A continuación, amosámosche un completo mapa coa xeolocalización dos puntos máis destacados deste percorrido entre o peirao de O Freixo e Punta do Requeixo. A través del, podes acceder a distintos recursos multimedia que che amosarán a ruta de diferentes xeitos.

Nos arquivos de vídeo, ofrecémosche un pequeno adianto das testemuñas que atoparás no teu percorrido a pé por esta ruta. Como fío condutor estará a voz de Sole Felloza, narradora oral, fotógrafa e directora do festival Atlántica.

No noso mapa virtual atoparás todos os puntos de interese xeolocalizados no propio percorrido. Invitámosche a que te tomes o teu tempo en cada etapa e realices unha breve parada para descubrir todo o que esta ruta emocional che pode ofrecer.

Tés á túa disposición todo tipo de arquivos multimedia. Durante este agradable paseo a pé de ría adentraraste na historia do municipio de Outes e das súas xentes e coñecerás, de primeira man, como se viviu e se aínda se vive a industria da carpintaría naval.

Ademais das testemuñas, ofrecémosche a posibilidade de descubrir a contorna coma se dun miradoiro se tratase a través das fotografías Ultra HD que te atoparás neste mapa. E ofrecémosche tamén outros recursos a través dos cales te sorprenderás, como un arquivo especial que che dará máis detalles sobre a nova ubicación do que será o Museo da Carpintaría Naval de Outes, ademais dun documento sobre o estudo do borde litoral entre Punta Baroña e Punta Barquiña.

Todo isto complementado coa información que xa puideches consultar de xeito previo á túa visita. Goza deste emocionante percorrido!