Descenso de canóns en Santa Baia, que ao non ser un barranco moi esixente tecnicamente permite gozar da actividade e a súa contorna a todo tipo de persoas independentemente do coñecemento do deporte e da súa forma física. Durante o descenso cruzaremos un bosque frondoso e con distintos tipos de árbores, alfombras de musgo, rochas e fervenzas. Descubriremos este deporte camiñando, nadando, realizando saltos e gozando de tobogáns naturais.

Barranquismo no río Ribeiriños, é este un canón con moito desnivel labrado. Unha sucesión continua de sete rápeles con auga, que fai desta, unha actividade técnica e segura, baixo a beleza cativadora do bosque de ribeira polo que discorre. Poucos barrancos contan con esta cantidade de rápeles polos que baixan as augas en paredes moi estreitas. Catalogado de nivel medio, cómpre ter certa experiencia antes de realizar esta ruta.

Na parroquia de Santo Ourente atópase unha empresa, “Estivada Equestre” que organiza diferentes actividades con cabalos. Clases individualizadas, equitación e salto, saídas con grupos ou rutas pola nosa contorna, formación básica de manexo, coidados e pupilaxe do cabalo, doma, etc..